Shumica e çifteve preferojnë që gjumin ta bëjnë me shpinë të kthyer nga njëri-tjetri. Kjo sepse është më e rehatshme, dhe më pak e sikletshme. Por sipas shkencëtarëve, ata çifte të cilët flenë gjumë me fytyrë nga njëri-tjetri, rezultojnë edhe më të lumturit. Kjo ka dalë si rezultat i një studimi të realizuar nga shkencëtarët e Universitetit të Hertfordshires, ku u përfshinë 1100 persona.
Rreth 34 për qind e çifteve flenë goxha afër njërit-tjetrit dhe përkëdhelen, ndërsa pothuajse 12 për qind e tyre kanë distancë nga njëri-tjetri vetëm 2,5 centimetra. Ndër ata që flenë të përqafuar, janë të lumtura ato çifte të cilët flenë me fytyrë të kthyer nga njëri-tjetri.
Pothuajse 94 për qind të cilët kanë kontakt fizik me njëri-tjetrin gjatë gjumit janë të lumtur dhe të kënaqur me lidhjen e tyre, ndërsa njësoj mendojnë 68 për qind e tyre të cilët flenë në pozitën në të cilën nuk kanë kontakte.
Hulumtimet e mëhershme kanë konstatuar që njerëzit të cilët flenë në pozitën fetale janë të pavendosur, dhe kanë prirje vetëm për të kritikuar.
Gjumi në shpinë lidhet me njerëzit e sinqertë dhe të sigurt, ndërkaq ata që flenë në bark janë perfeksionistë.
