Kryeministri Edi Rama ka shtuar goditjet ndaj SPAK që pas arrestimit të kryetarit të Bashkisë së Tiranë, Erion Veliaj.
Gjatë bashkëbisedimit me qytetarët në rrjetet sociale, Rama thotë se SPAK është një strukturë me probleme dhe se ka krijuar “vetëbesimin e pavarësisë”.
Kreu i qeverisë shprehet se drejtësinë e re nuk e bënë partnerët e Shqipërisë, por ka qenë vet ai dhe PS.
“Nëse SPAK do ta kishte sjellë Amerika, do ta kishte marrë me vete në Amerikë, por SPAK është këtu.
E vetmja garanci për mbijetesën dhe shkuarjen para të SPAK dhe luftës që i bëhet nga këneta dhe bufi plak, është PS dhe unë në krye të saj. Rrotullojeni nga të doni, Reformën në drejtësi e bëra unë dhe PS. Synimi për 202, një sistem drejtësie të drejtë e të barabartë. Pjesa e parë e realizuar pavarësisht kostove dhe gjërave që nuk shkojnë, SPAK është një strukturë e re me shumë probleme, është se ka krijuar vetëbesimin e pavarësisë. Askush nuk mund të thotë sot se unë kapa dhe kontrolloj SPAK-un. Sfida është që pavarësia të jetë garanci edhe për profesionalizëm dhe standarde demokratike. Nuk duam dhe tolerojmë një sistem drejtësie të pavarur por të njëanshëm dhe jo profesional”,-tha Rama./Opinion.al
