Thomposon, partneri i Khloe Kardashian e ka tradhtuar atë me mikeshën e ngushtë të familjes, Jordyn Woods. Lajmet mbi tradhëtinë e tyre u përhapën me shpejtësi, dhe Khloe pranoi se pas gjithë kësaj drame ndihej e shkatërruar. Teksa Jordyn Woods po sulmohet nga miliona njerëz në të gjithë botën, ajo ka reaguar herë të parë, në një event në të cilin ishte e pranishme.
Siç duket dhe nga video, Jordyn nuk kishte shumë për të thënë dhe theu heshtjen rreth kësaj drame vetëm me pak fjalë:
“Faleminderit të gjithëve që jeni këtu sot dhe që më keni mbështetur pavarësisht asaj që po ndodh.”
Jordyn akuzohet se flirtoi dhe u puth me ish-partnerin e Khloe Kardashian, Tristan Thompson, duke shkaktuar një dramë të dyfishtë. Thuhet se vajzat e klanit të famshëm e kanë braktisur atë njëherë e mirë dhe Woods po e përjeton shumë keq këtë fakt.
“Ajo po përpiqet të flasë me Khloe-n, Kylie-n dhe këdo tjetër në atë familje për të kërkuar një falje. Do që çdo gjë të jetë si më parë. Këto ditë i ka kaluar duke qarë në shtëpi bashkë me nënën dhe motrën.”- tregojnë burime pranë saj.
Sipas një burimi për “E! News”, ajo po përjeton makth dhe ndihet e humbur, sepse e di që ka humbur gjithçka dhe jeta e saj nuk do të jetë kurrë më e njëjta./E.M
