Ministrja e Infrastrukturës dhe Energjisë, Belinda Balluku, në një dalje për mediat tha se nuk është vendosur ende fasha limit, për të cilën konsumatorët e energjisë elektrike do të tariforen me çmim më të lartë.
Balluku tha se tha se fasha mund të luhatet mes 700 dhe 800 kilovat/orë.
“Kemi bërë një analizë të thelluar, kemi dalë në disa skenarë që mund të aplikohen. Për abonentët familjarë do të zbatojmë të njëjtin çmim. Por kemi identifikuar edhe konsumatorë familjarë që kanë konsumuar deri në 5000 kilovat/orë. Por është e drejta e tyre që ta përdorin energjinë. Megjithatë, kjo energji do të paguhet të paktën me një çmim më të lartë se sa ajo që paguhet sot. Nuk po them me çmimin e tregut, se do të ishte një shumë që nuk do ta përballonte dot as ky lloj konsumatori”,-tha Balluku.
