Humbja në Madrid përballë Atleticos, thujase e ka nxjerrë Juventusin jashtë Ligës së Kampionëve, por duket se bardhezinjtë besojnë ende tek kualifikimi në ndeshjen e kthimit, në “Allianz Stadium”.
“Bëjeni stadiumin fantastik dhe ne do të bëjmë punën tonë, për të shënuar dhe fituar ndeshjen. Besojmë se do të përjetojmë një mbrëmje të madhe, duke u kualifikuar për në çerekfinale”, tha portugezi, duke i dërguar një mesazh të qartë tifozërisë bardhezi”, tha Cristiano Ronaldo, për t’i dhënë besim dhe energji skuadrës.
Ronaldo, i cili është përballur me dhjetëra herë me Atleticon e Madridit, gjatë kohës që ishte pjesë e Realit, e njeh mirë kundërshtarin e të martës në mbrëmje, ndaj u kujton shokëve të skuadrës, se nuk do të jetë aspak e lehtë.
“Atletico është një skuadër e organizuar mjaft mirë, që luan me kujdes mbrapa dhe të pret, për të goditur në kundërsulm. Duhet të bëjmë kujdes dhe të gjejmë kohën e duhur për t’i goditur, por kam besim se do t’ia dalim të përjetojmë një natë speciale”, theksoi ai./Opinion.al
