Mosie Kean do të jetë lojtar i Evertonit sezonin e ardhshëm.
Juventus ka vendosur të lëshojë talentin 19 vjeçar duke përfituar në total nga kjo marrëveshje rreth 40 milionë euro.
Kean ka shënuar 8 gola në 21 paraqitje që ka bërë me Juventusin të cilit i është bashkuar që në moshën 10 vjeçare.
Nesër sulmuesi pritet të mbërrijë në Walton, Liverpool, ku do të zhvillojë vizitat mjekësore për të zyrtarizuar më pas kalimin e tij në Goodison Park.
Largimi i Kean vjen në një situatë ku klubit torinez i duhet të shesë disa prej lojtarëve në mënyrë që të ketë mundësi të afrojë emra të rinj në ekip.
Futbollisti tjetër në radhë për tu larguar është Sami Khedira i cili mund të kalojë tek Galatasaray ose Arsenali.
Ditët e fundit është raportuar në mediat sportive se drejtuesit e Juves do të pranojnë të largojnë Dybalan nëse Manchester United do të ofrojë sulmuesin Lukaku plus 20 milion euro. /Opinion.al
