Massimilano Allegri është “zhdukur” nga të gjitha rrjetet sociale. Instagram njofton shkurtimisht se “Kjo faqe nuk është më e disponueshme”. Profili Twitter, në të cilin pas çdo ndeshje publikonte komente të shkurtra apo motivonte skuadrën, është fshirë po ashtu.
Pra trajneri i Juventusit ka çaktivizuar të gjitha adresat në rrjetet sociale, pa dhënë asnjë shpjegim. Mediat italiane shkruajnë se kjo është një sjellje jo normale, duke qenë se Allegri ishte vazhdimisht shumë aktiv.
Allegri komentonte pas çdo ndeshjeje të Juventusit. “Ishte e rëndësishme të riktheheshim te fitorja. -16 ditë nga sfida”, ishte mesazhi në Twitter pas ndeshjes së fituar ndaj Bolonjës.
Pas humbjes ndaj Atletiko Madridit, Allegri nuk po përjeton një moment të mirë te Juventusi dhe janë shtuar zërat për largimin e tij në rast eliminimi nga Champions League. Juventusi humbi ndeshjen e parë në Madrid me rezultatin 2-0./Opinion.al
