Juventus për herë të 34-të në historinë e klubit, dhe për herë të pestë radhazi ka fituar titullin e kampion në Itali.
Bardhezinjtë bëhen skuadra e parë dhe e vetme në histori të kampionatave evropiane që fiton dy herë nga 5 tituj rresht. Statistikat flasin për një Juventus të papërmbajtshëm, dominues në çdo aspekt, një ekip fitues edhe pas (erës Conte), pasi edhe Max Allegri po e drejton për mrekulli skuadrën me kapitenin dhe fenomenin Gigi Buffon.
Në tabelën më lart të publikuar nga Sportmediaset, janë statistikat për 5 sezonet e fundit, shkruan “Albeu”.
Në 187 ndeshje të luajtura, Zonja e Vjetër ka fituar 136, barazuar 37 dhe ka humbur vetëm 14. Juventusi ka shënuar 358 gola dhe ka pësuar 109. Sa i përket diferencës në pikë, kampionët e Italisë kanë 92 më shumë se Napoli, 104 më shumë se Roma, 131 më shumë se Milan dhe 157 më shumë se Inter.
