Pas humbjes që pësuan dje në shtëpi ndaj Napolit me rezultatin 0-1, skuadra e Juventusit, tashmë ndodhet përsëri në situatë të vështirë për ndeshjen e ardhshme ndaj Interit.
Mbrojtësi Giorgio Chiellini pritet të mungojë në ndeshjen e së shtunës që skuadra e Juventusit do të luajnë kundër Interit në stadiumin Giuzzepe Meazza, për shkak të një dëmtimi në gju të pësuar ditën e djeshme.
Giorgio Chiellini doli nga fusha e lojës në ndeshjen më Napolin në minutën e 11 të takimit, ku trajneri Allegri e zëvëndësoi me Stephan Lichtsteiner.
Dy alternativat kryesore për të zëvëndësuar Chiellini-n në ndeshjen me Interin janë Barzagli dhe Rugani, por akoma nuk është vendosur se kë do të zgjedh trajneri italian.
Ndeshja midis Interit dhe Juventusit do të luhet këtë të shtunë në orën 20:45 në stadiumin Giuseppe Meazza.
