Kohët e fundit duket se çdo veprim i këngëtarit Justin Bieber kritikohet nga ndjekësit e tij në rrjete sociale. Këtë herë ai është kritikuar për shkak të shakasë së bërë në ditën e gënjeshtrave më 1 prill.
Ai publikoi në rrjete sociale foto që bashkëshortja e tij Hailey Baldwin është shtatzënë, për të thënë më pas se ishte një rreng. Por duke parë se reagimet për këtë shaka të tij kanë vijuar ai ka reaguar përmes një postimi të gjatë duke shprehur keqardhjen si dhe ka kërkuar falje publikisht.
“Gjithmonë do të ketë njerëz që ofendohen, njerëz që nuk i kuptojnë shakatë, unë jam një person që bëj shaka dhe kjo ishte gënjeshtra e 1 Prillit. Nuk do të thotë që jam i pandjeshëm ndaj njerëzve që nuk mund të kenë fëmijë. Shumë njerëz që unë njoh, si gënjeshtër të parë për 1 Prillin u kanë thënë prindërve se janë shtatzënë, për të parë reagimin e tyre. Por unë gjithsesi do të kërkoj falje dhe do të marr përgjegjësinë time dhe do t’u kërkoj ndjesë njerëzve që u ofenduan. Me të vërtetë që nuk dua që dikush të lëndohet nga një shaka.
Është si atëherë kur i hodha tortë në fytyrë motrës sime të vogël për ditëlindje, duke menduar që do të qeshte, por ajo qau. Ndonjëherë nuk e dini se çfarë do të lëndojë ndjenjat e dikujt, jo për të krahasuar shtatzëninë me tortën në fytyrë, por vetëm për të dhënë idenë se nuk dihet çfarë mund të të lëndojë. Disa mund të kenë qeshur, por disa mund të jenë ofenduar.”-ka përfunduar Bieber.
Këto kohë këngëtari vuan nga probleme të ankthit dhe depresionit si dhe është tërhequr nga muzika./Opinion.al/
