Ditët e fundit këngëtarja Taylor Swift është vënë në qendër të vëmendjes mediatike për shkak të konfliktit të saj me ish-menaxherin lidhur me të drejtat e shitjes së disa këngëve të saj.
Këngëtarja ka marrë gjithashtu një kundërpërgjigje nga këngëtari Justin Bieber, i cili tashmë menaxhohet nga Braun. Në një postim të tijin në rrjete sociale, Justin ka shkruar se nuk është e drejtë që pas kaq shumë vitesh të shprehë gjithë mërzitjen për Scooter në rrjete sociale.
Por disa fansa të këngëtares i kanë në mbrojtje duke treguar një sekret të Justin, të konfirmuar edhe nga Swift.
“Ti tradhtove shoqen e saj të ngushtë dhe më pas publikisht i doli në mbrojtje atij që u hakmor ndaj Taylor dhe tani kërkon që ajo të të ftonte ty për një çaj? Largohu prej këtej”, –ka shkruar dikush i irrituar në ‘Twitter’.
Këngëtarja e ka pëlqyer këtë koment, duke konfirmuar kështu që Bieber e ka tradhtuar këngëtaren Selena Gomez kur kanë qenë të lidhur. Gomez kaloi një periudhë depresive pas ndarjes nga Justin, por tashmë e ka lënë këtë histori pas krahëve./Opinion.al/
