Presidenti i Komisionit Europian Jean Claude Juncker gjatë vizitës së tij në Sofje në kuadër të marrjes së Presidencës nga ana e Bullgarisë vlerësoi vëmendjen që është treguar edhe për Ballkanin Perëndimor, i cili është i renditur si prioritet.
Në fjalën e tij zyrtari i lartë tha se Rajoni ka nevojë për vëmendje në mënyrë që mos përsëriten luftrat që u përjetuan në vitet 90.
Ai shtoi më tej se nisur nga kjo ide Brukseli dhe vendet anëtare të Bllokut duhet ti konfirmojnë edhe njëherë shteteve ballkanike perspektivën e tyre europiane. Ndryshe në pikëpamjen e Junckerit, Ballkani rrezikon të hedhë një hap prapa që nuk janë pozitive në memorien e askujt.
Bullgaria e cila do të jetë në krye të presidencës së BE ka shprehur edhe vullnetin për të çuar përpara proceset integruese të vendeve rajonale.
Më konkretisht synohet që Shqipëria dhe Maqedonia të hapin negociatat, ndërsa Serbia dhe Mali i Zi të avancojnë edhe më tej në kapitujt që po diskutojnë me Brukselin./OraNews/
