Zyrtarët e lartë të Bashkimit Europian kanë përkujtuar ditën e sotme 15-vjetorin e zgjerimit të BE, që çoi në pranimin në bllok të 10 shteteve.
Presidenti i Komisionit Europian, Jean-Claude Juncker, është shprehur se 10 vendet pajtuan historinë e Evropës me gjeografinë e saj.
Po ashtu, Juncker theksoi se; ”mbetem një tifoz i zjarrtë i zgjerimit të BE”.
“Pesëmbëdhjetë vjet më parë 10 vende morën vendin e tyre të duhur në zemër të bashkimit tonë. Ne kapëm momentin unik dhe pajtuam historinë e Evropës me gjeografinë tonë. Mbetem një tifoz i zjarrtë i zgjerimit”, tha presidenti i Komisionit Europian, Jean-Claude Juncker.
Ndërkohë, Presidenti i Këshillit Europian Donald Tusk, ish-kryeministër i Polonisë, përmes një postimi në Twitter u shpreh se; “për ne në ato ditë, Europa në të vërtetë ishte një simbol i lirisë, standardeve të larta, prosperitetit, modernitetit dhe sigurisë. Nuk kemi qenë kurrë të zhgënjyer.
Zgjerimi më i madh i Bashkimit Europian u shënua në vitin 2004, ku bllokut iu bashkua Republika Çeke, Estonia, Hungaria, Letonia, Lituania, Polonia, Sllovakia dhe Sllovenia si dhe ishujt e Qipros dhe Maltës./ Opinion.al E.Xh.
