Aktori i humorit, Julian Deda ka festuar sot 10 vjetorin e martesës me bashkëshorten e tij, Armandën. Përmes një dedikimi emocionues në Facebook, Deda thotë se pas 10 vitesh martesë ka ndryshuar vetëm fakti që nga dy njerëz që përbënin dikur familjen e tyre, sot ajo është më e plotësuar me vajzën dhe djalin e tyre.
” Sot jemi 10 vjet të martuar dhe e vetmja gjë që ka ndryshuar është, se këte rrugë e nisëm dy e sot jemi lumturisht katër. A na ka shkuar çdo gjë vaj në këto vite? Absolutisht jo. As ne nuk e deshëm një jetë të tillë, sepse sfidat e forcojnë çiftin, forcojnë familjen. Dhe e di çfarë? Deri tani ja kemi dalë me sukses. E gjitha kjo si rezultat i të qënit bashkë në çdo sekondë. Dhe unë premtoj se do bëj gjithçka që të jemi bashkë deri në fund të misionit tonë njerëzor. Gjithmonë bashkë”, shkruan Deda në profilin e tij në Facebook.
