Lideri i opozitës dhe presidenti i vetëshpallur i Venezuelës, Juan Guaido u rikthye në vend pavarësisht se rrezikon arrestin me burg. Ai theksoi sërish se nuk ka asnjë mundësi dialogu me qeverinë e Nicolas Maduro, të cilit i bëri thirrje të jap dorëheqjen dhe i kërkoi popullit të ngrihet në protesta anti-qeveritare.
Ai është pritur në Venezuelë nga disa diplomatë amerikan dhe europian si dhe nga disa përkrahës të tij. Juan Guaido ishte në një udhëtim në vendet e Amerikës Latine me qëllim marrjen e mbështetjes së vendeve fqinje për rrëzimin e presidentit aktual Nicolas Maduro, si dhe për të krijuar një qeveri tranzitore deri në zgjedhjet e parakohshme.
I vetëshpalluri president gëzon aktualisht mbështetjen e 50 vendeve të botës përmendim këtu SHBA-në. Ndërkohë qe Maduro mbështetet nga Rusia, Kuba dhe Kina.
Maduro drejton vendin prej vitit 2013, dhe fitoi një tjetër mandat presidencial në maj të vitit 2018. Zgjedhjet u bojkotuan nga opozita dhe u kritikuan ashpër nga faktori ndërkombëtar. Ai është përballur gjithashtu me akuza për abuzime me të drejta të njeriut si dhe për keqmenaxhim të ekonomisë së Venezuelës./Opinion.al
