Më herët Ardit Gjebrea kishte njoftuar se në këtë edicion të 20-të të “Kënga Magjike” në natën finale do të shoqërohej nga të gjitha prezantueset në vite.
Ndër to ishin dhe Olta Gixhari dhe Armina Mevlani, të cilat sapo shkelën në skenën madhështore arritën të tërhiqnin vëmendje dhe të vinin në siklet Arditin.
“Ardit, nuk e di nëse e kam të saktë si informacion, por kam marrë vesh se vitin tjetër ti do të zgjedhësh dy prezantueset më të mira të njëzetë viteve të “ Këngës Magjike”. Dhe doja të dija kush janë ato të dyja? – pyeti Armina publikisht Arditin.
“Shumë pyetje e vështirë” – tha Arditi teksa mendohej.
“Pse e vështirë? Ti privatisht na ke thënë që unë dhe Olta kemi qënë më të mirat” – i’u drejtua Armina.
“Ju të dilni edhe nga skenari… Ta mendojmë, vitin tjetër mbase e bëjmë pushim” – tha Arditi teksa u vendos në siklet.
