E kemi parë pothuajse në të gjitha stilet, nga kostumi klasik e deri të veshjet sportive. Rama ka guxuar madje të ndërthurë në disa prej daljeve të tij kostumin me atletet.
Por prej kohësh kryeministri ka filluar të shfaqet publikisht me një formë të re të veshjes. U bën disa muaj që Rama ka sjell një trend të ri në gardërobën e tij, bëhet fjalë për pantallona të cilat janë ndërthurje mes seriozes në disa raste dhe sportives, por që në përditshmëri mund të quhen tumane ose çitjane, shkruan opinion.al
Forma e tyre është e njëjtë, janë të ngushta në pjesën e poshtëme dhe vijnë duke u zgjeruar nga lartë. Vihet re se Rama këto i ka përdorur kryesisht në takimet me elektoratin, por nuk kanë munguar edhe në takimet zyrtare, ku çitjanet janë më serioze, të ngushta dhe vetëm në ngjyrë të zezë.
Po pse kryeministri Rama ka ndryshuar stil në veshje?
Ndoshta kjo është një strategji e tij për të mos krijuar distancë në komunikim kur është në takime me të rinjtë, duke u shfaqur para tyre me atë stil që përdorin 18-vjeçarët.
Njëkohësisht kohët e fundit vihet re se kryeministri ka shtuar në peshë, por me veshje të tilla arrin ti mbulloj kilet e tepërta.
Por nga ana tjetër kjo e veshje e Ramës mund të shpjegohet edhe me fiksimin e tij për të tërhequr vëmendjen, për t’i bërë të tjerët të komentojnë stilin e tij. Ndër pikat e forta dhe që rrallë herë zhgënjen është veshja e tij. /opinion.al
*Sot në takim me Shefen e Politikës së Jashtëme të Bashkimit Europian Frederika Mogerini në takimin në Bruksel.
*Foto të marra nga profili në facebook i kryeministrit Rama
