Kryeministri Edi Rama e paska patur emocionale gjithë tensionin që përçoi mbrëmjen e sotme në konferencë drejtuar shqiptarëve pas protestës në Rrugën e Kombit. Ky është një lajm i mirë, pasi mbështetësit e tij ishin të shqetësuar për shëndetin e Kryeministrit pasi ai shfaqi probleme me frymëmarrjen.
Rama, vetë e ka shpjeguar se gjithçka ka të bëjë me gjakun që i zien në vena, pasi e do me zemër këtë vend, gjë që në fakt nuk përkthehet në vepra. Qytetarët kërkojnë uljen e tarifës për Rrugën e Kombit dhe përjashtim për ata që janë banorë të zonës.
Më poshtë statusi i tij në facebook që shpjegon frymëmarrjen e rënduar në konference:
Kam nje lajm për ata që merren me frymëmarrjen time në komunikimin e sotëm: Kam gjak shqiptari jo llum kazani në vena. Zemrën e kam në vend jo në zorrë. Mish e shpirt i kam në dispozicion të detyrës dhe të atyre që e duan këtë vend megjithë mend e këtë popull me gjithë zemër!
*KONFERENCA E KRYEMINISTRIT PAS PROTESTES
