Jozefina Topalli deklaroi sot se Basha po imponon garë të rreme. Ai po kërkon të grabisë mandatin e kryetarit. Demokratët të ngrihen, tha ajo. Të mblidhen forumet dhe të bëhet garë e vertetë për kryetar partie.
Deklarata e plotë e Jozefina Topallit
Situata po përshkallëzohet me nisjen e procesi të deformuar në shkelje të statusit të PD. Për ti imponuar PD-së një garë të rreme. Ky është vendim jo serioz dhe i papërgjegjshëm. Ai kërkon jo vetëm të mbajë peng partinë me një mandat të ri por edhe ti shmanget përgjegjësive për humbjen e PD me mbi 200 mijë vota. Zoti Basha përmes gare të rreme nga humbës kërkon të imponohet si fitimtar.
Qindra mijëra votat që ia hoqi PD-së nuk i asgjëson dot me një proces të manipuluar. Demokratët nuk ia falin kurrë rezultatin.
Basha është katastrofa e PD-së! Sepse ka bërë një opozitë të përciptë duke glorifikuar veten dhe duke gjunjëzuar PD-në.
Ai nuk konkurron dot, nuk e pranon debatin as ballafaqim. Ai tmerrohet nga forumet, nga e vërteta.
Ne kërkojmë garë të barabartë, rregulla të ndershme dhe proces konkurrues. Ne kërkojmë respektimin e forumeve drejtuese si kushte të panegociueshme. Sa më shpejt të largohet Basha aq më shpejt do të vijë ngritja e PD-së. I kërkon të ndërpresë paligjshmërinë dhe pengmarrjen e partisë. Do të përballet me zemërimin e demokratëve.
Unë u bëj thirrje demokratëve se është koha të ngrihemi. Të mbrojmë demokracinë në PD.
