Jozefina, e ashpër me Bashën në grupin e PD-së

Tone dhe diskutime të ashpra në mbledhjen e sotme të grupit të PD-së. Shumë prej deputetëve kanë shfaqur pakënaqësitë e tyre ndaj mënyrës se si po drejtohet partia, në një mbledhje që zgjati më shume se 2 orë, me dyer të mbyllura. Mbledhja që mësohet të ketë patur në fokus një analizë të zgjedhjeve lokale, ka kaluar në tone të ashpra, thuajse nga të gjithë të pranishmit. Arsyet kryesore të debatit janë lidhur kryesisht me humbjen e lidhjeve me bazën, ndërsa kryetarët e partive në rrethe  janë ankuar për shmangie nga ana e deputetëve. Burime të Opinion.al, bëjnë të ditur se pavarësisht diskutimeve të shumta në grup, ka qenë deputetja Topalli ajo që i është drejtuar në mënyrë direkte dhe me nota te forta kritike, kreut të PD-së Lulzim Basha. Ajo është shprehur që lidershipi i ri në parti nuk kaq bërë sa duhet për ngritjen e Partisë. “Janë promovuar humbës ose ata që na kanë shitur”, mësohet të ketë thënë Topalli. Topalli gjithashtu ka pohuar se edhe kandidatet per zgjedhje kanë kaluar pa filtra dhe nuk është pyetur asnjë forum e për me tepër nuk është mbledhur as kryesia”. Me tone të ashpra mësohet të ketë folur edhe deputeti Mhill Fufi, i cili është shprehur se nuk ka qenë i ftuar kur është bërë analiza e partisë në Kurbin dhe është detyruar të shkojë atje pa ftesë. “I kerkova sekretarit te përgjithshëm të më thote pse nuk mori pjesë PD në zgjedhjet e Lacit dhe nuk më dha përgjigje. Ia kërkova disa herë dhe nuk mora nje përgjigje si qëndronte cështja, përvec shpjegimit juridik. Kur nuk jep përgjigje nuk di pse vjen në bazë.”?