Anthony Joshua dhe Wladimir Klitschko i dhanë jetë ditën e shtunë një prej dueleve më të mëdha të historisë së boksit. Britaniku mposhti me “KO” teknik në raundin e 11-të veteranin ukrainas, triumf që e katapultoi Joshua mes ikonave të historisë së këtij sporti. Një nga gazetarët më të mëdhenj të boksit, Jeff Peëell ka bërë një renditje të dueleve më të mëdha të boksit. ja ku renditet sfida Joshua-Klitschko.1 – The “Thrilla in Manilla”: Muhammad Ali – Joe Frazier, tetor 1975 (The Coliseum, Quezon City, Filipine)Pas 14 raundesh magjikë, të mbushur me grushte dhe dëmtime fizike nga të dy boksierët, bëhet gati të nisë raundi i 15-të dhe i fundit. Ali ishte gati të tërhiqej nga përballja, por e njëjta gjë ishte edhe për kundërshtarin e tij. Trajneri i Frazier, Eddie Futch tërhoqi nga ringu boksierin e tij, thuajse i verbuar nga goditjet e Ali dhe me sy të mbyllur. Frazier asnjëherë nuk e fali trajnerin e tij që e tërhoqi nga kjo sfidë dhe nuk e ka pranuar vendimin e asaj përballje. Ndërsa Ali ka thënë: “Ajo është sfida e vetme ku iu afrova vdekjes në ring”.
2 – “Fight of the Century”: Muhammad Ali – Joe Frazier, mars 1971 (Madison Square Garden, Nju Jork)Duel epik për titullin kampion në peshat e rënda, një sfidë që ngriti peshë zemrat e sportdashësve dhe boksierëve në ring, pasi ishte një përballje me 12 raunde që u vendos në favor të Ali, me vendim unanim të gjyqtarëve. Anash ringut mjaft personazhe VIP, si Ava Gardner, Woody Allen apo Norman Mailer. Frazier kishte mundur Ali më parë, ndaj ky ishte dueli i revanshit për legjendën e dorezave. Muhammad Ali rezistoi deri në raundin e fundit edhe pse me me nofullën e thyer, por në fund arriti të triumfojë.
3 – Evander Holyfield – Riddick Bowe, nëntor 1992 (Thomas and Mack Center, Las Vegas)Një duel monumental për titullin kampion në peshat e rënda, që dhuroi një nga raundet më të bukur të historisë të peshave të rënda. I riu Bowe edhe pse ishte sfidant dhe nuk kuotohej si favorit, lëshoi një seri grushtesh të fortë karshi Holyfield. Pavarësisht se ra në tapet, legjenda Holyfield vazhdoi duelin dhe arriti ta barazpeshojë atë në pjesën e dytë të saj. Bowe e ndjente se mund ta humbiste sfidën, ndaj shtoi ritmin në ring dhe Holyfield për pak sa nuk ra “KO”. Megjithatë, Bowe e fitoi duelin me vendim unanim të gjyqtarëve,
4 – Anthony Joshua – Wladimir Klitschko, prill 2017 (Stadiumi Wembley”, Londwr)Fitorja fantastike e Joshua me “KO” teknik në raundin 11-të ndaj legjendës Klitschko i siguroi britanikut një vend në histori dhe në këtë listë të përballje historike në peshat e rënda në boks. Një grusht mund të ndryshojë fatin e duelit dhe Joshua e ka kuptuar këtë gjë, duke goditur shënjestrën e tij. Klitschko i mbijetoi një herë “KO” dhe më pas falë përvojës u rikthye në ring si pretendent, por 14 vite diferencë vulosën fitoren e britanikut. Gjithsesi, ajo që dy boksierët prodhuan në ring ishte diçka magjike, sidomos në raundet 5-6 dhe atë 11, duke treguar se ky sport është për “zotërinj” dhe pë rata që dinë të boksojnë.
5 – The “Rumble in the Jungle”: George Foreman – Muhammad Ali, tetor 1974 (Kinshasa Zaire)Ndoshta është duel më i madh i historisë i boksit në peshat e rënda. Foreman pësoi një leksion të madh në karrierën e tij, një humbje me “KO” në raundin e tetë, nga 32-vjeçari Muhammad Ali, që mori titujt kampionë bote. Ka qenë “KO”-ja më spektakolare e historisë, me Ali që detyroi Foreman të pranojë humbjen më të vështirë në mes të Afrikës. Boksierët dhuruan një spektakël në ring, por Ali në këtë përballje tregoi se është më i madhi i historisë.
