Jose Mourinho ka debutuar me fitore në skuadrën e Tottenham, duke mposhtur West Ham me rezultatin 3-2.
Ishte Son ai që zhbllokoi rezultatin në minutën 36-të me një lëvizje të bukur brenda zonës, ndërsa dy minuta nga fundi i pjesës së parë, koreani u bë sërish protagonist, duke shërbyer për Lucas Moura në zonë.
Në fillimin e pjesës së dytë Harry Kane shënoi golin e tretë me një goditje me kokë brenda zonës. Në minutën e 73-të, Michail Antonio shënoi golin e parë për ekipin e tij, ndërkohë që në shtesë Angelo Ogbonna realizoi dhe golin e dytë.
Me fitoren e sotme ndaj West Ham, Tottenham ngjitet në vendin e 6-të me 17 pikë. / Opinion.al
