Ish-deputetja demokrate, Jorida Tabaku kërkon që demokratët të jenë të bashkuar, duke iu dhënë kështu dhe një mesazh gjithë “të larguarve” që janë hedhur në sulm ndaj kryetarit të PD-së Lulzim Basha.
Në një status në facebook, zonja Tabaku pranon se PD me në krye Luzlim Bashan ka kaluar rrugë të vështirë, por sipas saj vendimet e Bashës treguan fytyrën e vërtetë të kryeministri Edi Rama.
“PD dhe kryetari i saj Lulzim Basha janë në një betejë jetikë për demokracinë në Shqipëri. Jam e bindur se shumë shpejt do ta fitojmë këtë betejë, do tu japim shqiptarëve qeverinë që meritojnë dhe një kryeministër që do të punojë për ta. Dhe ky është Lulzim Basha”, shkruan Tabaku.
Në lidhje me protestën e së hënës, ish deputetja thotë se do të protestojnë së bashku me ata që refuzuan të shkojnë në votimet farsë për të rrëzuar këtë sistem.
“Partia Demokratike do dalë më e fortë nga kjo betejë”, premton Tabaku./ Opinion.al
