Quhet Jorge Mendes, është 50 – vjeç dhe është menaxheri i të gjithë sportistëve më me emër nga Portugalia. Është ky personi të cilit i është vënë pas investigimi i Football Leaks. Si futbollist i dështuar, bisnesin e tij e ka filluar me një videotekë.
Goditja e madhe ishte transferimi i Mourinho nga Porto tek Chelsea. Ai vlerësohet si njeriu që punon 24 orë në 7 ditë të javës, që i traiton klientët e tij si pjesëtarë të familjes. Që prej vitit 2010 merr trofeun si menaxheri më i suksesshëm.
Që prej vitit 2013 me ndërmjetësimet e kryera ka përfituar më shumë se 1 mld dollarë. Kontaktet e tij shtrihen nga Amerika Latine deri në Azi, sigurisht me miqësi ndër personat më të pasur. Nëpërmjet kompanisë së gritur prej tij Gestifute, kujdeset jo vetëm për tranferta futbollistësh, por edhe këshillim ligjor, mjeksor dhe mbi të gjitha, të drejtën e imazhit.
Pikërisht ky sektor ka prodhuar shumat marramendëse që dyshohet se ka fshehur Ronaldo dhe Mourinho. Cristiano Ronaldo, aseti i tij më i madh, është bërë aq i pasur i dhuroi menaxherit një ishull të Greqisë në rastin e martesës një vit më parë.
Konsiderohet korrekt dhe i ndershëm në punën e tij i vlerësuar nga Florentino Perez, Joan Laporta, Alex Ferguson dhe drejtues të tjerë.
3 ditë më parë publikoi deklaratat tatimeve spanjolle për të ardhurat e Ronaldos dhe Mourinhos, por Football Leaks duke e mbajtur menaxherin në qendër të vëmendjes pretendon se ka fakte se pas fshehjes së milionave qëndron pikërisht Jorge Mendes.
Tv Klan
