Thuajse 3 javë pas zbulimit të skandalit të flirtimit mes saj dhe Tristan Thompson, ish-mikesha më e afërt e klanit Kardashian-Jenner, Jordyn Woods i rikthehet mediave sociale. Ajo postoi disa “selfie” në të cilat përfshinte femrat dhe Zotin.
“Nëse po e lexon këtë, Zoti të ka dhënë një ditë tjetër për t’u zgjuar dhe për të qenë mirënjohëse dhe më e mirë sesa ishe dje”, shkroi ajo në postimin e publikuar në Instagram.
21-vjeçarja gjithashtu festoi Ditën e Gruas me disa nderime për femrat që admiron, për kontributin që kanë dhënë në ndikimin e shoqërisë në ditët e sotme.
Ajo publikoi fotot e 13 grave të njohura: Malala Yousafzai, Maya Lin, Mia Hamm, Melinda Gates, Sheryl Sandberg, Michelle Obama, Tarana Burke, Oprah Winfrey, Wendy Kopp, Wangari Maathai, Ava DuVernay, Maya Angelou dhe Gloria Steinham.
Gjithashtu ajo bëri edhe një dedikim për nënën, duke e cilësuar si gruan më speciale të jetës së saj.
Ashtu siç pritej komentuesit u ndanë në dy kapme, disa e quajtën mosmirënjohëse dhe femër të ulët që flirtoi me partnerin e Khloe Kardashian, ndërsa disa të tjerë thanë se motrat Kardashian kanë bërë të njëjtën gjë disa herë, ndaj ato nuk mund të gjykojnë askënd./Opinion.al
