Ka qëndruar shumë kohë e tërhequr nga vëmendja mediatike, por duket se tashmë që i është rikthyer kinemasë me filmin “Maleficent, Mistress of Evil”, aktorja Angelina Jolie ka vendosur të shprehet më shumë për veten, duke treguar vitet e vështira që ka kaluar.
Në intervistën më të fundit që ka dhënë për ‘Harper’s Bazaar’, Jolie ka treguar se ka kaluar situata shumë të vështira, por ja ka dalë mbanë falë fëmijëve të saj.
“Trupi im ka kaluar shumë gjatë dekadës së fundit, veçanërisht katër viteve të kaluara. Unë kam ende dy plagët e dukshme dhe atë të padukshme për të treguar. Por ato të padukshmet janë më të vështira për t’u luftuar. Jeta merr shumë kthesa. Fëmijët e mi më njohin në të vërtetë dhe më kanë ndihmuar që ta gjej përsëri veten. Ata kanë kaluar shumë dhe unë mësoj nga forca e tyre. Si prindër, ne i inkurajojmë fëmijët tanë të përqafojnë gjithçka që ata janë”,– është shprehur Jolie gjatë intervistës.
Nuk është hera e parë që aktorja ndan në intervista momentet e vështira që ka kaluar me operacione dhe gjithashtu me divorcin nga aktori Brad Pitt./Opinion.al/
