Kryeministri britanik Boris Johnson po kërkon me këmbëngulje votën e britanikëve në zgjedhjet e parakohshme në 12 dhjetor, për të mundësuar një Brexit me marrëveshje nga Bashkimi Europian.
“Nëse votoni këtë qeveri, ne kemi gati marrëveshjen për të shkuar menjëherë në Parlament më 13 dhjetor. Mund t’ia dalim”, shprehet Johnson për Sky.
Johnson insiston se po i ofron vendit një shans për t’i lëvizur realisht gjërat dhe për të realizuar Brexit.
“Ajo çka po i ofroj vendit tani është një shans për t’i lëvizur realisht gjërat përtej linjës. Parlamenti refuzoi të japë aprovimin për të dalë nga BE më 31 tetor. Ky ishte një zhgënjim i madh. Por, nëse ne votojmë për konservatorët tani, nëse votojmë për këtë qeveri, do të japim garanci që ne kemi një marrëveshje gati, për të shkuar menjëherë në Parlament më 13 dhjetor. Mund t’ia dalim. Mund t’i japim fund pasigurive”, shtoi kryeministri britanik./Opinion.al
