Ish-zëvendëspresidenti amerikan, Joe Biden duket se do të marrë pjesë në garën presidenciale, por një vendim zyrtar mund të shpallet brenda disa javësh.
Nëse Biden kandidon, sondazhet tregojnë se ai do të ishte në krye të listës së demokratëve që kërkojnë presidencën.
Mbi 12 demokratë kanë hyrë në garë, përfshirë disa që mund të tërheqin votuesit më të rinj dhe më të larmishëm, si senatorja nga Kalifornia, Kamala Harris.
Presidenti Donald Trump ka akuzuar demokratët se po anojnë nga socializmi, veçanërisht me propozimin ambicioz të mjedisit, të njohur si “Pakti i Ri i Gjelbër”.
Biden dështoi në dy gara të mëparshme presidenciale. Por ai vazhdon të jetë popullor mes demokratëve pasi shërbeu për tetë vjet si zëvendëspresident gjatë kohës që Shtëpinë e Bardhë e drejtonte Barack Obama./Opinion.al
