Thirrja e politikanes ruse Tamara Pletnyova, që u kërkonte vajzave të vendit të saj të mos kryenin seks me tifozët e botërorit, nuk ka kaluar pa vëmendjen e Presidentit Putin, që me sa duket nuk është shumë dakord me 70-vjecaren Pletnyova.
Në një dalje publike, zëdhënësi i Putinit Dmitri Peskov u tha gazetarëve se gratë ruse janë më të mirat në botë: “Sa për gratë ruse, ndoshta ato mund ta vendosin vetë. Ata janë gratë më të mira në të gjithë botën”.
Dy ditë më parë politikania tha se gratë ruse nuk duhet te kishin raporte seksuale me tifozet ne kete eveniment te rendesishem të futbollit. Ajo iu referua rastit të lojërave Olimpike të vitit 1980 ku në Rusi pati lindje të shumta të fëmijëve të racave të përziera dhe që rriteshin pa baba.
Ata ishin fëmijë të tifozëve ose të atletëve, të cilët pas Lojërave Olimpike ishin kthyer në vendet e tyre.
