Janë zbardhur 3 kushtet që negociatorët rus kanë për Ukrainën për zgjidhjen një herë e mirë të këtij konflikti. Sipas gazetarit bullgar, Christo Grozev Kremlini i kërkon Ukrainës që Zelensky të mbetet president, por Rusia të emërojë një kryeministër pro-rus.
Në këtë rast mësohet se ato kanë propozuar si kryeministër Yuruy Boiko. Boiko ka mbajtur detyrën e kryeministrit të Ukrainës nga 2012 deri në 2014.
Pika e dytë e kushteve ruse është që Ukraina të njohë Luhanskun dhe Donjeckun si republika të pavarura dhe të njohë Krimenë si pjesë të Rusisë.
Kushti i tretë është ndryshimi i Kushtetutës dhe caktimi në të se Ukraina nuk do të bëhet pjesë e asnjë aleance perëndimore, si për shembull të bëhet pjesë e NATO-s apo të integrohet në BE.
Mësohet se këto janë tre kushtet që pala ruse i ka propozuar negociatorëve ukrainas në raundin e tretë të bisedimeve, të cilat do të zhvillohen sot në një vend që nuk është bërë i ditur ende./Opinion.al
Peskov just essentially confirmed this, less the PM part of course (screen via @bazabazon ) pic.twitter.com/v9tO3HvVIb
— Christo Grozev (@christogrozev) March 7, 2022
