Zyrtarë të disa shteteve të ndryshme mendojnë që abortet janë procese kirurgjkale që mund të shtyhen për disa javë . Në 22 mars, guvernatori i Texas-it Greg Abbott, lëshoi një urdhër që ndalonte çdo proçedurë mjeksore që nuk është jetike, për të ruajtur burimet mjeksore që po përballen me një fluks pacientësh për shkak të koronavirusit’.
Avokati i Texas-it, Ken Paxton deklaroi se ky urdhër vlen për çdo abort që nuk konsiderohet kritik , në mënyrë që te mbrohet jeta dhe shëndeti i nënës . Ligje të ngjashme janë vënë në zbatim në Ohaio, Oklahoma, Alabama dhe Alaskë .
Në Ohaio, ligji i përkohshëm i abortit është bllokuar në 30 mars nga gjyqtari Michael Barrett, i cili u shpreh se gjinekologu dhe jo shteti duhet të vendosë nëse aborti është jetësor.
Ky arsyetim u mbështet dhe nga guvernatori i Kentakit, Andy Beshear. Beshear tha në konferencë për shtyp se vendimi do të merret nga profesionistët mjeksorë. Javën e kaluar në Texas, gjyqtari federal Lee Yeakel përkrahu ata që ngritën një padi për të ndaluar moslejimin e aborteve dhe bllokoi ligjin e shtetit.
Yeakel u shpreh se arsyetimi për marrjen e këtij vendimi- lirimin e hapsirave spitalore dhe ruajtjen e mjeteve mjeksore gjatë një pandemie globale- nuk justifikon cënimin e lirive të grave.
Texas ndalon abortin pas 20 javësh dhe e lejon vetëm nëse shtatzania vë në rrezik jetën e nënës. Urdhri i Abbott për ndalimin e abortit do të jetë efektiv deri në 22 prill dhe kjo datë nuk do të shtyhet.
Sipas Texas Monthly, Klinika Access Support Network në Hjuston, që në përgjithësi paguan shpenzimet e udhëtimeve të grave që shkojne për të bërë abort, tani po paguan që pacientët të largohen nga shteti. Rebecca Drake, financiere e Fund Texas Choice, është shprehur se organizata e saj ka dyfishuar shpenzimet e përgjithshme javore prej 1000$, që kur urdhri ekzekutiv është vënë në zbatim.
Kjo organizatë ka dërguar pacientët në Nju Meksiko, Kolorado, Misisipi dhe Kentaki për të kryer atje procedurat e abortit. Alaska po ashtu ka vënë këtë urdhër në zbatim deri në 15 qershor. /Opinion.al
