Robin Sharma është një autor kanadez që ka fituar popullaritet në gjithë botën pikërisht prej leksioneve të tij për energitë pozitive njerëzore.
Ai ka frymëzuar me miliona njerëz që kanë dashur të ndryshojnë jetët e tyre, të dalin nga apatia dhe të jenë të suskesshëm në familje, dashuri, raportet me njerëzit, dhe pse jo në karrierë.
Ky është një nga leksionet e tij përmes të cilit mund të mësoni strategjitë për të vlerësuar më shumë veten dhe ndërtuar vetëbesim.
***
Unë besoj se secili prej nesh është i rëndësishëm në mënyrë të barabartë. Çdo punë që bën çdo njeri, është në mënyrë të barabartë e rëndësishme.
Zonja dhe zotërinj, një punë është thjesht një punë vetëm nëse ju zgjidhni ta shihni atë si një punë.
Çdo punë është një mundësi për të shprehur gjenialitetin tuaj.
Ju lutem, mbani mend se kohët e vështira, krijojnë lidera të mëdhenj.
Babai im ndau tre gjëra të rëndësishme me mua teksa po rritesha. Ai më tha: Robyn, e para gjë që duhet të bësh, “Ji ëndërrimtar”. Të jesh ëndërrimtar do të thot të jesh vizionar i jetës tënde.
E dyta, ai më tha: Ji gjithmonë duke mësuar! Viktimat e adhurojnë argëtimin, kurse liderat edukimin. Viktimat e adhurojnë shpërdorimin e kohës, kurse liderat e duan mësimin.
E treta që babai më tha: Gjej një kauzë që është më e madhe se vetja jote.
Rruga drejt pasionit është qëllimi. Nëse doni të bëheni një biznesmen i suksesshëm, duhet të mendoni për një qëllim brënda biznesit tuaj. Steve Jobs nuk tha “unë dua të bëhem milioner”. Ai tha: Njerëzit duan të frymëzohen, ndaj devocioni i tij ishte të krijonte produkte të mahnitshme për njerëzit.
Jetoni jetën tuaj, jo atë të shoqërisë. Lidershipi është të jetosh për veten tënde.
Nëse njerëzit nuk janë duke qeshur me ëndrrat tuaja, me shumë gjasa ju nuk jeni duke patur një ëndërr shumë të madhe.
Natyra e vizionit të madh kërkon patjetër që njerëzit t’ju kritikojnë ose qeshin.
Ata do të përpiqen t’ju rrëzojnë poshtë, por ju duhet të qëndroni të fortë në vizionin tuaj. Nuk ka rëndësi nëse ju jeni personi i vetëm që besoni në vizionin tuaj. Thjesht shkoni përpara!
Brenda cilit burg jeni mbyllur ju, që ju pengon të shprehni gjenialitetin për të cilin keni lindur?!
Nëse ti nuk e shpreh veten plotësisht, po i mohon botës talentin tënd!
Përktheu: Alteo Hysi
https://www.youtube.com/watch?v=boKLbtxQ4kw
