Autoritetet ukrainase thonë se kanë arritur të transferojnë 71 fëmijë nga një jetimore në Sumy në një zonë më të sigurt. Foshnjat ishin strehuar në një bunker gjatë javëve të fundit.
Trupat ruse kanë rrethuar qytetin në veri-lindje dhe ka pasur bombardime këtë javë.
“Me mundësinë e parë për t’u evakuuar përmes korridorit humanitar, ne i morëm fëmijët nga jetimorja që ndodhej në zonën e luftimit,” tha Dmytro Zhyvytskyi, guvernatori i rajonit.
Ai ka shpërndarë foto të fëmijëve në Facebook.
“Këta janë fëmijë që nuk kanë prindër (për arsye të ndryshme) dhe shumica e tyre kanë nevojë për kujdes të vazhdueshëm mjekësor”.
Ai tha se disa prej tyre mbeten nën kujdesin e stafit të spitalit./Opinion.al
