Aktualitet

Jeta në arrati e superpolicit Zagani: Duan të më vrasin


Bëhu pjesë e Grupit Zyrtar të Opinion.al
>> KËTU <<
               Publikuar në : 21:49 - 25/10/15 |
b.f

E përditshmja italiane Corriere Della Sera publikoi një artikull të gjatë për ish-shefin e Antidrogës në Fieri, Dritan Zaganin. Gazetarët e Corriere Della Sera shkruajnë se e takuan Zaganin në Zvicër. Ndër të tjera ai rrëfen, se ka persona që duan ta vrasin.

“Prej disa orësh, më i kërkuari nga qeveria shqiptare dhe emri i parë në listën e të kërkuarve dhe të përfshirëve në trafikun e drogës, është një polic i njohur shqiptar, me një karrierë të guximshme në fushën e antidrogës dhe i vlerësuar nga forcat e policisë italiane falë bashkëpunimit për hetime dhe operacione të ndryshme. Pas urdhrit ndërkombëtar të arrestit, Dritan Zagani, 43-vjeçari i martuar dhe baba i tre vajzave ndiqet zyrtarisht nga agjentët e çdo kombi”, -kështu e nis shkrimin e saj gazeta italiane.

 

IMPLIKIMI I NJERËZVE PRANË QEVERISË NË LIDHJET E DROGËS
Në vitin 2014, kur ndiqte bashkë me Guardia di Finanza, gjurmët e drogës nga Shqipëria në Lombardia, Zagani arriti të zbulojë implikimin e njerëzve që konsideroheshin të afërt me qeverinë dhe çdo gjë mori të tatëpjetën. Ai “padrejtësisht” u arrestua me akuzën e shpërdorimit të detyrës për “shpërndarjen e informacioneve hetimore” tek italianët, diçka që mbi të gjitha “Unë gjithmonë e kam bërë në kuadrin e objektivave të përbashkëta dhe askush nuk ishte ankuar kurrë”,- citohet të ketë thënë Zagani.

Kjo i kushtoi gjashtë muaj burg në Tiranë dhe nëntë muaj arrest shtëpiak. “Unë u largova sepse donin të më eliminonin. Zgjodha Zvicrën dhe jo Italinë: Tek ju mafia shqiptare është e fuqishme dhe gjen këdo. Kjo ka ndodhur disa vite më parë, eliminuan një ish-agjent me një të kaluar të bezdisshme për shefin. Ai merrej me shpërndarjen e gazetave, ishte kthyer pothuajse në një fantazmë, por prapë e gjetën. Tani, disa shokë besnikë, një informator i mirë më ka qëndruar në krah, dhe e di që edhe në Zvicër, vrasësit po më kërkojnë “.

NGA POLIC I SHKËLQYER NË “TRADHTAR”
Qeveria shqiptare është e bindur se Zagani është fajtor, edhe përfaqësuesit më të lartë të institucioneve shqiptare e kanë përsëritur këtë në publik, të vendosur për të mos fshehur asgjë dhe për të vepruar në transparencë të plotë, të bindur se kanë në dorë prova ta sigurta. Fitoret e shkëlqyera të policit në luftën kundër kriminalitetit dhe sjellja e tij prej “tradhtari” duke preferuar t’i referohet autoriteteve italiane dhe jo atyre të qeverisë së tij, për hetimet e reja që kishte zbuluar, janë histori të ndryshme. Zagani nuk ka frikë për arsyen e thjeshtë se nuk ka asgjë për të humbur, por kërkon shpëtimin e familjes. “Unë iu luta autoriteteve zvicerane të strehojnë gruan dhe vajzat. Nëse është e nevojshme, unë jam i gatshëm të kthehem në Shqipëri, për të mbrojtur veten. Deri tani nuk më kanë lejuar. Kur më rrasën në burg, në qeli kisha tre kosovarët që sapo kisha arrestuar për drogë … pastaj, në sajë të zemrës së mirë të rojeve më zhvendosën në departamentin e të burgosurve me probleme të mëdha psikologjike … dhe këtu ishte një tjetër ferr … Mora arrest shtëpie, sepse pas gjashtë muajsh skadoi afati brenda të cilit ata duhet të më procedonin … “.

POLICIA TJETËR
Në këtë rast diplomatik ka edhe një tjetër person, sigurisht nga policia, por me kombësi italiane, e cila ndoshta ka një rol të rëndësishëm. Kjo është një zyrtare e cila kishte punuar gjatë samitit të G8 në Xhenova, e cila u dënua për dhunë dhe në vend që të zhduket ishte promovuar, me postin e “Përfaqësuesit italian të hetimeve” në Shqipëri, dhe mbante marrëdhënie të mira me Tiranën. Zagani thotë se është një rastësi e çuditshme që kjo e fundit është hequr nga Shqipëria, sapo nisi kjo çështje. Për çfarë arsyeje? Kjo nuk është pyetja e vetme. Për shembull si do të silleshin autoritetet e Zvicrës me policin e kërkuar dhe për të cilin është shpikur pseudonimi “Serpico”. Serpico, tashmë në pension ka qenë një agjent police në Neë York, që zbuloi sistemin e korruptuar brenda policisë, duke përfshirë ryshfete dhe favore. Në atë kohë (në vitet gjashtëdhjetë) Serpico kontaktoi Neë York Times për të zbuluar skemat e korrupsionit dhe emrat. Gazetarët shqiptarë janë duke u marrë me rastin e Zaganit. Por njëri prej tyre, na tregon se nuk ka më një vend pune dhe vazhdon të këmbëngulë edhe pse “nën kërcënime të rënda”.  Lapsi.al

KOMENTO (0)

Shkruaj nje koment

    Pas