Dj Sardi, pak ditë më parë u vu në qendër të mediave rozë e portaleve pas një fotoje që publikoi në llogaritë e tij sociale, bashkë me mbishkrimin “My Sunflower”. Por nuk ishte ashtu siҫ u mendua e u komentua në rrjetet sociale. Edhe pse nga dedikimi u duk se personazhi në foto ishte më shumë se një mikeshë, Sardi e ka mohuar këtë fakt.
I ftuar pasditen e sotme në “Rudina”, ku ka foluar për karrierën e tij artistike, bashkëpunimet dhe projektet e reja, Sardi ka folur edhe për jetën private. I pyetur nga Rudina nëse është i vërtetë lajmi i portaleve pas një fotoje të publikuar nga ai, Sardi tha se personazhi në foto nuk ështe e dashura e tij, por një mikeshë shumë e mirë: “Nuk është e dashura ime, është një mikesha ime shumë e ngushtë…” – tregon ai, duke shtuar se jetën private ka preferuar ta mbajë gjithmonë larg vëmendjes mediatike: “Unë mundohem që jetën private të mos e ndaj me të tjerët, sepse janë ca gjëra që kohët e fundit po ekzagjërohen, edhe me këto portalet. Jam munduar që jeta ime private të mos jetë në fokus të mediave…”
Por pyetjes këmbëgulëse të Rudinës nëse është apo jo i dashuruar, Sardi nuk mund ta mohojë: “Jeta është shumë e shkurtër për të mos dashuruar… “ – tha ai duke shtuar se të dashurosh është një ndjenjë pozitive, edhe pse e përgjithëson ndjenjën duke thënë “duhet të dashurosh ҫdo gjë.”
Kështu, Sardi e ka për vete dashurinë, derisa ta zbulojë vetë se luledielli i tij nuk është vetëm një mikeshë, por diҫka më shumë se aq./class
