Pas Tire Alldervishi në prangat e policisë ditën e sotme kanë rënë 3 infermiere të tjera dhe një sanitare, të cilat kanë punuar në spitalin COVID-2 dhe dyshohet të jenë të përfshira në afera korruptive.
Nga përgjimet e Prokurorisë bëhet me dije se Tire Alldervishi ka qenë në më shumë se 1 rast e përfshirë.
Në bidesën e mëposhtme Tire Alldervishi është duke komunikuar me një persona të identifikuar si Altin S.
Komunikimi i mëposhtëm është mes Tire Alldervishit dhe Altini Djanës (siç ka qenë e shënuar në telefonin e Tires emri i bashkëbidesuesit).
Biseda është si më poshtë vijon:
07:51, 07/12/2020 Altini Djanes: Mengjes tire si jeni ktu te porta jam
07:54, 07/12/2020 Tire Alldervishi : Mgjesi do snellnn shoqe se jam pushim
07:55, 07/12/2020 Altini Djanes: Ok
07:56, 07/12/2020 Tire Alldervishi : Jepi nj 10 se ano ndrron dhe Babin
07:57, 07/12/2020 Altini Djanes: Ok
07:34, 08/12/2020 Altini Djanes: Mengjes tire si u gdhive ktu te porta jam flm
07:37, 08/12/2020 Tire Alldervishi : Mirmgjes te kam dergu nr e asan shoqes ne ëhatsup
07:38, 08/12/2020 Tire Alldervishi: +3556*8*43***
07:36, 10/12/2020 Altini Djanes: Mengjes si gdhive ne pune apo pushim je
07:36, 10/12/2020 Tire Alldervishi :Mgjesi turni 2 mer Rukijen
07:38, 10/12/2020 AltiniDjanes: Ok flm
07:40, 10/12/2020 Tire Alldervishi : Mos i jep gje i kam dhen un
Sipas deklaratave tëAltin S. Bëhet me dije se me shtetasen Tire Alldervishi ka lidhje të largët miqësie. Me datë 4 ose 5 dhjetor 2020 babai i tij Riza S., është shtruar në spitalin “Shefet Ndroqi”. Babai i tij ka qëndruar i shtruar në spital pothuaj 10 ditë teksa nuk ka mundur t’i mbijetoi virusit. Infermjerja qe ka ndjekur ecurinë e sëmundjes se babait të tij të ndjerë, quhet Irma me të cilën ai ka komunikuar në telefon pothuajse çdo ditë, dhe ajo e ka sqaruar per gjendjen e babait.
“Kryeinfermierja qe ka ndjekur babin e tij quhet Ana. Per shkak të njohjes që Altini kishte me Tiren, e cila punonte si sanitare ne spital, ai ka komunikuar me të për gjendjen e babait, ushqimin dhe pastrimin e tij. Babi i tij ka qene i shtruar në katin e tretë, dhomën e shtrimit nuk e kujton. Gjatë këtyre komunikimeve, babai nuk i ka shfaqur ndonjë pakënaqësi ndaj mjekëve. Shtetasi Altin sqaron se në dy apo tre raste i ka dhënë ndonjë dhjetë mijë lekësh.”– thuhet në njoftimin e Prokurorisë.
Altini pranon se ka komunikuar me Tiren dhe kujton që Tirja i ka dhënë numrin e një shoqes së saj që ishte santitare. Ajo e ka telefonuar dhe i ka thënë të dilte tek porta për ti dhënë ushqimin e babait. Përveç qeses me ushqime ai i ka dhënë sanitares në fjalë një dhjetë mijë lekësh të vjetër për përkujdesjen që ajo tregonte ndaj babait të tij. /Opinion.al
