Filmi që u krijua për historinë e dashurisë së Meghan Markle dhe princ Herry-t u shfaq për herë të parë ditën e djeshme nëpër kinema. Të shumtë ishin njerëzit të cilët mezi po prisnin ta shihnin këtë romancë mbretërore, pasi sigurisht ishte bazuar në historinë e vërtetë të dyshes më të famshme.
Mirëpo pritshmëritë e fansave nuk janë përmbushur nga ky realizim. Menjëherë pas premierës, shumë njerëz nuk kanë nguruar të ndanin opinionet në rrjetet sociale, dhe për hir të së vërtetës të gjithë paskan mbetur të zhgënjyer.
Fillimisht ata kritikuan mënyrën klishe të romancës. Frazat shumë bajate që ishin përdorur, dhe një histori e ngjashme me filmat që konsiderohen si limonatë. Ata gjithashtu kritikuan edhe rolin e Kate dhe Ëilliam, ku sipas fansave në film çifti shfaqet si i ftohtë dhe madje robotik. “Pse e keni bërë Kate të duket kaq robotike”? , shkruhet në një prej komenteve, që nuk ishte i vetmi.
Sigurisht kishte edhe nga ata të cilët kishin mbetur të kënaqur nga realizimi, por komentet negative ishin të shumta.
