Sekretarja e përgjithshme e Ministrisë së Brendshme, Elena Pici, ka dhënë dorëheqjen nga detyra.
Sipas news 24 mësohet se shkak i largimit është bërë debati për aktin normativ për ndërtimet pa leje, edhe pse zyrtarisht thuhet se Pici u largua për arsye personale.
Sipas VKM për katet shtesë të ndërtimeve pa leje, ndërtuesi mund t’i parablejnë ato me një çmim të indeksuar mbi çmimin real të tregut dhe paratë e përfituara do të derdhen në fondin e shpronësimeve të Unazës së Re ose mund t’i dhurojnë, që të përdoren si apartamente për strehim social apo mjedise zyrash për institucionet.
