Sekretari i Marinës Ushtarake amerikane, Thomas Modly, u dorëhoq në mesin e krizës së pandemisë.
Dorëheqja e tij vjen pasi skandalit të paprecedentë me areoplanmbajtësen, “USS Theodore Roosevelt” javën e kaluar.
Modly pushoi nga puna kapitenin Crozier pasi ai paralajmëroi se koronavirusi po përhapej me shpejtësi mes personelit të anijes për shkak se ata jetojnë në një hapësirë të kufizuar dhe kërkonte të merreshin vendime urgjente.
Letra, përfundoi në gazetën e “San Francisco Chronicle” dhe nga aty në gjithë mediat amerikane e rrjetet sociale.
Pas skandalit, Modly shkoi në anijen e ankoruar në portin e Guamit ku mbajti një fjalim para ekuipazhit. Ai kritikoi ashpër kapitenin, duke thënë se ai ishte ose “shumë naiv, ose shumë budalla”, për të qënë në krye të një aeroplanmbajtëseje.
Kujtojmë se aeroplanmbajtësja bërthamore “Theodore Roosevelt” u godit rëndë nga pandemia e koronavirusit.
Me një kapacitet mesatar prej rreth 5000 marinarësh, nga viti 1988 ajo ka qenë krenaria e ushtrisë amerikane dhe njëherësh, protagoniste e pothuajse të gjitha krizave ndërkombëtare ku Shtetet e Bashkuara kanë vendosur të ndërhyjnë./Opinion.al
