Ministri i Mbrojtjes në Kosovë Armend Mehaj ka dhënë dorëheqjen.
Klankosova raporton se kryeministri Albin Kurti ka pranuar dorëheqjen e ministrit Mehaj.
Megjithatë lidhur me këtë çështje ka zëra për përplasje mes kryeministrit të Kosovës Albin Kurti dhe ministrit të Mbrojtjes Armend Mehaj, ndonëse nuk dihen detaje.
Mësohet se ministri Mehaj, do të zëvendësohet nga koloneli i Forcës së Sigurisë së Kosovës, Ejup Maqedonci.
Nuk dihet nëse do të transferohet në ndonjë pozitë në institucionet e Kosovës, apo do të kthehet në vendin ku ka jetuar e punuar në Norvegji.
Gjithnjë sipas të njëjtave burimeve, Mehaj prej një kohe të gjatë ka bërë me dije synimin e tij që të dorëhiqej nga kjo pozitë.
Mehaj ishte në krye të ministrisë së Mbrojtjes së Kosovës që prej vitit 2021.
