Ministri i Drejtësisë në Kosovë, Abelard Tahiri, ka paraqitur dorëheqjen nga detyra. Vendimi për dorëheqje erdhi pasi Tahiri nuk ka qenë i kënaqur me zhvillimet e fundit në sistemin e Drejtësisë, duke përfshirë këtu edhe ndërhyrjet politike. Ai ka konsideruar se të gjitha këto pritet të ndikojnë në mosliberalizimin e vizave për Kosovën.
Burime të “Gazetës Express” thonë se Tahiri i ka ofruar dorëheqjen kryetarit të partisë dhe kryeministrit të vendit, Haradinaj.
Sipas këtyre burimeve, ofrimi i dorëheqjes vjen si pasojë e problemeve të fundit në sistemin e drejtësisë dhe ndërhyrjeve politike në të.
Akoma nuk është konfirmuar pranimi i dorëheqjes së Tahirit nga ana e Kryeministrit.
