Kryetari i Partisë Demokratike në Lezhë, Zef Gjoka ka dhënë dorëheqjen.
Sipas News 24 ende nuk ka sqarime se cili ka qenë motivacioni që ka shtyrë Gjokën për të marrë këtë vendim, pak para datave 11 dhe 18 dhjetor që janë dhe dy Kuvendet e thirrura, ai i ish-kryeministrit Berisha me firmat e më shumë se 4200 delegatëve dhe Kuvendi i propozuar nga Basha i miratuar nga kryesia e PD.
Bëhet me dije se në mungesë të një kryetari, ky post po menaxhohet nga deputeti Agron Gjekmarkaj, i cili është edhe i deleguari i PD-së për Qarkun e Lezhës. Gjoka u zgjodh në krye të PD-së në vitin 2018. Më parë ka qenë dhe deputet i kësaj forcë politike.
Kujtojmë se ditën e djeshme Ferdinand Xhaferraj është dorëhequr nga drejtimi i i degës së PD në Durrës. Dorëheqja e tij erdhi pas zgjedhjes së Xhaferrajt si deputet. Sipas statutit të PD-së, ata të cilët marrin mandatin e deputetit nuk mund të jenë kryetar dege./Opinion.al
