Kryeministri francez, Edouard Philippe, dha dorëheqjen përpara se presidenti Emmanuel Macron, të bëjë riorganizim të qeverisë.
Pallati Elysee tha përmes një deklarate se, kryeministri Philippe do të vazhdojë të ushtrojë funksionin derisa të emërohet një kabinet i ri qeveritar.
Macron do të emërojë një kryeministër të ri “brenda disa orësh”, thuhet në deklaratë por nuk është ende e qartë nëse kryeministrit Philippe do t’i besohet sërish formimi i qeverisë së re.
Vendimi i Macronit, për të ndryshuar qeverinë e tij, vjen pasi partia e tij, shënoi humbje në zgjedhjet lokale.
Vëzhguesit thonë se do të ishte një bixhoz politik për Macronin nëse e zëvendëson Philippen, i cili është më i popullarizuar në publik se vetë presidenti./Opinion.al
