E lodhur prej sfidës së 10 viteve, Jennifer Lopez vendosi të “shpallte” një sfidë të re. Së bashku me të dashurin, Alex Rodrigues, ata kanë sfiduar ndjekësit të “rezistojnë” 10 ditë pa konsumuar sheqerna dhe karbohidrate. Por sfida e tyre është konsideruar e rrezikshme nga dietologët pasi trupi i njeriut ka nevojë për karbohidrate, por ato nuk duhet të merren me tepri.
Ylli i popit, dhe i dashuri i saj, ushtrohen vazhdimisht në palestër dhe sfida e tyre për një trup të tonifikuar është e kuptueshme por sipas dietologëve e gabuar sepse trupi i njeriut djeg karbohidratet për të prodhuar “karburant” që përkthehet në energji për trurin, zemrën dhe shumë organe të tjera. Kur ka mungesë sheqernash, organizmi fillon dhe djeg yndyrë dhe kalon në një fazë që quhet ketozë, ne ndihemi më pak të uritur, megjithatë rrezikohemi nga sëmundje të ndryshme të veshkave, probleme me kolesterolin, kockat, mëlçinë etj.
