Jennifer Lopez u fejua me Alex Rodriguez dhe mori një unazë me vlerë prej 4.5 milionë dollarë. Por sapo lajmi u bë publik, një ish-lojtar i bejsbollit, Jose Canseco, mik i partnerit të saj, thotë se Alex e ka tradhtuar këngëtaren me ish-bashkëshorten e tij, Jessica Canescon.
Ai shkroi në “Twitter” lidhur me tradhtinë, ndërsa po shikonte reality-shown, “World of Dance”, në të cilën Lopez është anëtare në juri.
“Duke parë JLo-n t’i dërgojë live mesazhe Alex Rodriguez-it, ajo nuk e di që ai po e tradhton me ish-gruan time Jessica. E shkreta vajzë, nuk ia ka idenë se kush është ai. Alex mjaft u tregove një hajvan, mjaft tradhtove Jennifer Lopez-in.” shkruante ai ndërsa e sfidoi Alexin për një ndeshje boksi kur të donte.
Canesco kujton se pak muaj më parë ishte me ish-bashkëshorten e tij, kur Alexi e mori në telefon. Ai shtoi se do të bënte një foto në mënyrë që të vërtetonte se ajo që thoshte ishte 100% e vërtetë.
Sigurisht që kjo është “dhurata” më e keqe e mundshme që ajo mund të merrte për fejesë. /Opinion.al
