Në një shkallë nga njëshi te “më mbani se do t’i bie”, sa argumentues dhe sherrxhinj jeni? Me siguri do të përgjigjeni një shkallë e mesme dhe që debatoni vetëm nëse është vërtetë e nevojshme. Sigurisht, kjo është edhe përgjigjia e pranueshme, por disave “i tërhiqen fijet” më shpejt se të tjerëve dhe ndjejnë nevojën për të debatuar. Por a e dinit që bazuar te shenja e horoskopit, ju mund të keni tendencën të jeni natyrë diskutuese më shumë se të tjerët? Zbuloni nëse jeni një nga këto shenja:
- Demi
Si e dini, Demi shquhet për kokëfortësi. Kjo do të thotë që është shumë e vështirë t’i bindësh për të kundërtën e asaj që mendojnë. Ju mund të provoni gjithsesi. Mund të provoni të udhëhiqni një kalë edhe te burimi i ujit, kjo s’do të thotë që do ta pijë. Gjëja e mirë është që një Dem zakonisht qëndron në krahun e së drejtës dhe debaton për vlera. Por nëse nje Dem e kupton që e ka gabim, nuk do ta pranonte kurrë, por thjesht do të dalë nga diskutimi me argumentin që nuk ka dëshirë të grindet.
- Luani
Luani është shenjë e ndjeshme dhe ka tendencën që çdo gjë ta marrë për personale. Njësoj si Demi, edhe Luani e ka të vështirë ta pranojë që gjërat mund të mos shkojnë si duan ata. Këto dy gjëra mjaftojnë që Luanit “t’i ndizet fitili” dhe të hidhet në debat. Nëse ata do të kishin aftësinë t’i shikonin ngjarjet në këndvështrime të ndryshme nuk do të ishin kaq argumentativë, por nuk është ky rasti.
- Peshorja
Peshorja është shenja që do përpiqet t’ju bindë se të kesh natyrë argumentuese është gjë e mirë. Nëse ju kujtohet debati për fustanin blu dhe të zi, apo gold dhe të bardhë, Peshorja do të thoshte që është jeshile dhe e kuqe. Ata jetojnë për të kundërshuar dhe janë të specializuar në atë drejtim. Kjo sepse ata e kanë të nevojshme të kenë kundërshtarë. Megjithatë debatet e tyre nuk janë gjithmonë dashakeqe.
- Bricjapi
Bricjapi mendon se është më i zgjuari dhe ka më shumë përvojë nga të gjithë, dhe këtë nuk di fare ta fshehë. Për këtë shfaqet mospërfillës te njerëzit e tjerë. Bricjapi nuk di të dëgjojë, i intereson të ndajë vetëm eksperiencat e veta sepse mendon se janë më të vlefshmet. Shpesh herë kthehen në makth te njerëzit që takojnë në përditshmëri sepse nuk e kupton sesi i bën të tjerët të ndihen./Opinion.al
