Jeni në fillim të një lidhjeje të re, gjithçka po shkon ashtu siç duhet, ai ju pëlqen dhe vice-versa, megjithatë shpeshherë ju duket sikur nuk dini mjaftueshëm për të? Nuk ju duhet të kontrolloni të gjithë Facebook-un apo Instagram-in e tij, të bëheni mike me shoqen e tij të ngushtë apo të mundoheni të zbërtheni pak nga pak karakterin e tij. Janë yjet atë që e bëjnë këtë gjë për ju. Nëse keni fatin që partneri të jetë i shenjës së Ujorit duhet të dini disa gjëra lidhur me të. Ashtu si të gjithë, edhe ata përveç cilësive kanë edhe të meta, megjithatë janë interesantë dhe dinë si të duan.
1.U pëlqen pavarësia e tyre: Nëse keni ndërmend të bashkëjetoni me një Ujor duhet të mësoni të bashkëjetoni edhe me lirinë e tij, pasi është shenja më e pavarur e zodiakut. Mos u përpiqni t’i vendosni kufizime apo të ndërhyni në rutinën e tij të përditshme pasi vetëm sa do t’i prishnit gjërat mes jush. Kjo nuk do të thotë se nuk keni rëndësi për të , përkundrazi një Ujor di t’i japë gjithmonë hapësirën e duhur partnerit/partneres për të qenë dhe ta bëjë të ndihet i,e dashuruar, vetëm se nuk i pëlqen që të tjerët ta urdhërojnë dhe t’i thonë ç’duhet të bëjë.
2.Janë të ndjeshëm: Edhe pse në pamje duken të fortë, në të vërtetë Ujorët janë shumë të ndjeshëm, Tregohuni të kujdesshëm të mos harroni datat apo përvjetorët e rëndësishëm pasi një Ujor është gjithashtu një detajist i lindur.
3.Janë misteriozë: Ujorëve ju pëlqen të luajnë me kuriozitetin dhe fshehin sekrete të vogla, të cilat në fakt i bëjnë edhe më interesantë në syrin e partnerit/partneres. Gjithsesi pavarësisht karakterit misterioz, Ujorët nuk e durojnë dot hipokrizinë dhe gënjeshtrat.
