Dhjetëra minatorë janë mbledhur sot përpara zyrës së kryeministrit Rama ku kërkojnë miratimin e statusit të tyre. Megjithëse policia nuk kishte dhënë leje, minatorët e filluan protestën.
“Juve i keni dhënë statusin oficerëve, që hanin pilaf e pula maleve. Ju bëj një pyetje, sa oficerë janë vrarë maleve? Ju jeni 140 deputetë, pse duhet të jeni kaq shumë? Duhet të ketë deputetë aq sa ka bashki dhe rrogat e deputetëve të tjerë tu shpërndahen pensionistëve. Ne jemi këtu për një protestë paqësore, sepse mbi të gjitha jemi familjarë, jemi gjyshër dhe duam të drejtat tona, duam statusin që na takon”, u shpreh njëri prej minatorëve.
“Ne jemi me një këmbë në varr”, tha njëri prej tyre. Ata thonë se janë siguruar me pagë minimale çka pensioni i tyre nuk i kalon 20 mijë lekë të reja në muaj . “Hajde Taulant Balla, Ulsi Manja, hajdeni këtu, mbani premtimin!, thirrën ata.
