Dy nga shtetasit rusë të cilët u kapën mbrëmjen e së shtunës pas një incdienti në uzinën ushtarake të Gramshit, kanë deklaruar se janë blogerë. Në dëshminë para oficerëve të Antiterrorit, Svetlana Timofoeva, 33 vjeçe dhe Mikhail Zorin pohuan se kishin ardhur në Shqipëri për turizëm, ku po fotografonin objketet e vjetra në vend.
“Shkuam pranë uzinës për të bërë fotografi, pasi jemi blogerë. Fotografojmë uzina objekte të vjetra”, mësohet të jetë shprehur 33-vjeçarja.
Kujtojmë se sipas informacioneve të deritanishme, 3 rusët ndodheshin në Gramsh prej tre ditësh duke kryer fotografi rreth zonës së uzinës ushtarake. Ndërkohë në një reagim në rrjetet sociale, vetë kryeministri Rama foli për dyshime spiunazhi./Opinion.al
