Shtatë persona, ndër të cilët katër fëmijë, kanë humbur jetën pasi një raketë ka goditur spitalin e “Save the Children” në Jemen, ndërsa dy persona të tjerë rezultojnë të zhdukur. Lajmin e bën të ditur vetë organizata humanitare, në katër vjetorin e konflikteve në Jemen.
“Jemi të shokuar dhe të tronditur nga ky sulm. Fëmijë të pafajshëm dhe punonjës kanë humbur jetën në një sulm pa dallim në një zonë shumë të populluar. Sulme si këto dhunojnë ligjet ndërkombëtare”, ka thënë Helle Thorning-Schmidt, drejtuese e “Save the Children”.
Organizata ndërkombëtare ka kërkuar pezullimin e menjëhershëm të shitjes së armëve ndaj palëve që po luftojnë në Jemen, duke nxitur presionet diplomatike për të ndaluar konfliktin.
Vetëm një javë më parë, “Oxfarm” raportoi se në Jemen çdo 8 orë vritej një civil i pafajshëm, ndërsa nga dhjetori deri në mars kanë humbur jetën 56 fëmijë./Opinion.al
